Mbappe, Alonso we “Mançester Siti” Globe Soccer Awards dabarasynda baýrak aldylar

  • 29.05.2024 15:47
  • 13k+

2024-nji ýylyň 28-nji maýynda abraýly Globe Soccer Awards futbol baýragynyň gowşurylyş dabarasy geçirildi we onda 2023/24-möwsüminiň jemi boýunça Ýewropanyň iň gowy oýunçylary, tälimçileri we klublary sylaglandy.

Şeýlelikde, Ýewropada iň gowy oýunçy “Pari Sen-Žermeniň” we Fransiýanyň milli ýygyndysynyň hüjümçisi Kilian Mbappe boldy. Ol geçen möwsüm 48 oýunda 44 gol geçirip we 10 netijeli geçirim edip, Fransiýada “PSŽ-ä” trebl gazanmaga kömek etdi.
Ýewropada iň gowy tälimçi Habi Alonso boldy. Onuň ýolbaşçylygynda Lewerkuzeniň “Baýeri” ýekeje ýeňlişe-de sezewar bolman, taryhda ilkinji gezek Bundesligada ýeňiji boldy. Şeýle-de, topar Germaniýanyň Kubogyny gazandy we Ýewropa ligasynyň finalyna çykyp, bu ýerde Italiýanyň “Atalantasyndan” 3:0 hasabynda utuldy.
Şonuň netijesinde “Atalanta” topary Globe Soccer Awards-da möwsümiň açyşy diýlip ykrar edildi.
Ýewropanyň iň gowy kluby “Mançester Siti” boldy, topar 2023/24-möwsüminde yzygider dördünji gezek Angliýanyň çempiony boldy we Angliýanyň Kubogynyň finalyna çykdy.
Ýewropanyň iň gowy zenan kluby Kataloniýanyň “Barselonasy” boldy. Topar häzirki möwsümde dört ýaryşda ýeňiji boldy: Çempionlar ligasy, Ispaniýanyň çempionaty, Kubogy we Super kubogy.
“Barselonanyň” we Ispaniýanyň milli ýygyndysynyň 16 ýaşly oýunçysy Lamin Ýamal Ýewropanyň iň gowy ýaş futbolçysy diýlip ykrar edildi.


düýn 16:41
13k+

Türkmenistanyň milli ýygyndysynyň öňki tälimçisi litwa klubuna bellenildi

Türkmenistanly hünärmen Mergen Orazow Litwanyň “Dainawa” futbol toparynyň baş tälimçisi wezipesine bellenildi. Bu barada toparyň metbugat gullugy habar berdi. Ýewropa klubuna geçmegi tälimçiniň karýera  ösüşinde täze tapgyr boldy...

düýn 12:04
5.3k+

«Lion» futbol klubuny maliýe hasabatlylygyny bozandygy üçin 2-nji Liga düşürdiler

Fransiýanyň Milli gözegçilik we dolandyryş direktoraty (DNCG) «Lion» futbol klubuny maliýe hasabatlarynda ýüze çykan düzgün bozmalary sebäpli 2-nji Liga düşürmek kararyna geldi. Bu barada Fransiýanyň Professional futbol ligasynyň resmi saýtynda habar berilýär...

21.06.2025 12:22
7.8k+

“Liwerpul” “Baýerden” Florian Wirsi satyn aldy: APL üçin rekord transfer

20-nji iýunda “Liwerpul” Germaniýanyň milli ýygyndysynyň ýarymgoragçysy Florian Wirsi Lewerkuzeniň “Baýerinden” satyn aldy. Transfermarkt portalynyň maglumatlaryna görä, transfer iňlis klubuna 125 mln ýewro düşdi, bu hem Premýer-liganyň taryhynda satyn alnan iň gymmat futbolçy boldy...

21.06.2025 12:08
9.4k+

APL “Mançester Sitä” yzygiderli gijä galmalary üçin uly möçberde jerime saldy

Angliýanyň Premýer-ligasy ýaryşyň oýunlary başlamak we dikeltmek bilen bagly düzgünlerini yzygiderli bozandygy üçin “Mançester Siti” klubuna jerime salynýandygyny habar berdi. APL-iň resmi saýtyndaky beýana görä, geçen möwsümde Hosep Gwardiolanyň topary meýdança dokuz gezek gijä galyp çykdy...