Amerikaly režissýor Şon Beýkeriň “Anora” filmi 2023-nji ýylyň Kann kinofestiwalynyň ýeňijisi boldy. “Altyn palma şahasy” ugrundaky göreşde bu film Frensis Ford Koppola, Dewid Kronenberg we Paolo Sorrentino ýaly kinematografçylaryň filmlerinden üstün çykdy diýip, Euronews ýazýar.
Festiwaldaky tomaşaçylar filme 10 minutlap el çarpyşdylar.
Iň gowy režissýor “Uly syýahat” («Большое путешествие») dramasy üçin portugaliýaly kinematografçy Migel Gomiş boldy, Gran-pri-ni bolsa Paýal Kapadianyň “Ýagtylyk hökmünde göz öňüne getirýän zatlarymyzyň ählisi” («Все, что мы представляем как свет») hindi filmi aldy.
Iň gowy sahna goýluş üçin eminleriň ýörite baýragyny “Mukaddes injiriň tohumy” («Семя священного инжира») üçin eýranly režissýor Mohammad Rasulof aldy.
Iň gowy zenan keşbi üçin baýrak “Emiliýa Peres” filminiň aktýorlar düzümine berildi – baýragy Selena Gomes, Zoi Saldana, Adriana Pas we Karla Sofiýa Gaskon aldy. Filmiň režissýory Žak Odiar hem eminleriň baýragy bilen sylaglandy.
Iň gowy aktýor “Ýagşylygyň görnüşleri” («Виды доброты») dramasyndaky keşbi üçin Jessi Plemons boldy.
Iň gowy zenan ssenariýaçy diýlip “Madda” («Вещество») bodi-horrory üçin Korali Farža ykrar edildi.
