Boksçy Saparmyrat Ödäýew Olimpiýa oýunlaryna gatnaşmak üçin göreşini dowam edýär

  • 29.05.2024 13:56
  • 9.8k+

Balkanabatdan 23 ýaşly türkmen boksçysy Saparmyrat Ödäýew Bangkokda geçirilýän ikinji Bütindünýä Olimpiýa oýunlaryna saýlama ýaryşynda Gonkongdan gelen Li Kon Çinden üstün çykdy. 63,5 kg çenli agram derejesindäki duşuşykda türkmen türgeni eminleriň biragyztan karary bilen ýeňiş gazandy.

1/16 final tapgyrynda Ödäýew Aziýanyň çempiony, mongoliýaly boksçy Sentraatar Erdenebat bilen duşuşar.
Balkanabatda N3 sport mekdebinde tälimçi bolup işleýän S.Ödäýew şu ýylyň mart aýynda Olimpiýa oýunlarynyň saýlama tapgyryna eýýäm gatnaşyp gördi. Şonda oňa Olimpiýa oýunlaryna ýollanma almak üçin sähelçe ýetmedi.
Saparmyratdan başga-da, Bangkokda Olimpiýa ýollanmasy ugrunda ýene bir türkmen türgeni göreş alyp barýar. Öň habar berşimiz ýaly, Şükür Öwezow 57 kg çenli agram derejesinde ýaryşyň indiki tapgyryna çykdy.
Belläp geçsek, türkmenistanly boksçy Baýramdurdy Nurmuhammedow ýaryşda ilkinji tutluşygynda ýeňlip, ondan gaýtdy.
Bangkokda geçirilýän ikinji Bütindünýä Olimpiýa oýunlaryna saýlama ýaryşy türgenlere Pariždäki Olimpiýa oýunlaryna ýollanma almak üçin iň soňky mümkinçilikdir.


düýn 23:57
3.3k+

Türkmen agyr atletikaçylary Tähranda Fajr Cup ýaryşynda 8 altyn medal gazandylar

2025-nji ýylyň 26-30-njy noýabry aralygynda Eýranyň paýtagty Tähranda halkara agyr atletika ýaryşy geçirilýär, bu ýerde Türkmenistanyň milli ýygyndysy üstünlikli gatnaşýar. Türkmen türgenleri eýýäm 12 medal gazandylar, şol sanda 8 altyn we 4 bürünç medal...

27.11.2025 13:28
6.3k+

Gresiýadaky Olimpiýada 2026-njy ýylyň Gyşky Olimpiýa oýunlarynyň alawy ýakyldy

Gresiýanyň gadymy Olimpiýa şäherinde 2026-njy ýylyň Gyşky oýunlarynyň öňüsyrasynda Olimpiýa alawyny ýakmak dabarasy geçirildi. 2026-njy ýylyň Olimpiýa oýunlary 6-njy fewraldan 22-nji fewrala çenli Milanda we Kortina-d'Ampessoda (Cortina d'Ampezzo) geçiriler...

26.11.2025 10:39
4.4k+

9 altyn, 6 kümüş we 3 bürünç: Türkmen karateçileri Daşkentde geçirilen Aziýa çempionatynda üstünlikli çykyş etdiler

Türkmenistanyň milli ýygyndysy adaty karate boýunça Aziýanyň çempionatynda üstünlikli çykyş etdi. Ýaryş 2025-nji ýylyň 15–25-nji noýabry aralygynda Özbegistanyň paýtagty Daşkentde geçirildi. Türkmen türgenleri jemi 18 medala: 9 altyn, 6 kümüş we 3 bürünç medala mynasyp boldular...

25.11.2025 17:28
4.4k+

Türkmen tennisçileri Dewisiň Kubogy ugrundaky zolaklaýyn ýaryşyň ähli duşuşyklarynda ýeňiş gazandylar

Türkmen tennisçileri Dewisiň Kubogy ugrundaky zolaklaýyn ýaryşynda aýdyň üstünlik gazanyp, 2026-njy ýylda Aziýa we Okeaniýa zolaklarynyň IV toparynda çykyş etmäge hukuk gazandylar. Bu ajaýyp waka Isa-Taun şäherindäki...