YouTube Music aýdym hyzmatyna täze funksiýa goşuldy: indi ulanyjylar islän aýdymlaryny çala hiňlenip ýa-da sazyny çalyp tapyp bilerler diýip, 9to5Google habar berýär.
Täze funksiýa 7.02 wersiýadaky Androidler üçin ykjam goşundyda elýeterlidir. Ol aýdymyň hatda adyny bilmedik wagtyňyz hem tanamaga ýardam edýär. Munuň üçin ykjam goşundynyň sag ýokarky burçunda gözleg belgijigine basmaly, tolkun görnüşli şekiljigi saýlamaly we hiňlenip ýa-da sazyny çalmaly.
Emeli aň algoritmlerini ulanyp, YouTube Music baý aýdym gory bilen deňeşdirer we has gabat gelýänlerini görkezer. Ulanyjy şolbada aýdymy diňläp ýa-da kitaphanasyna ýükläp alyp biler.
Funksiýa Android ulgamly smartfonlarda eýýäm elýeterli, ýakynda ol iOS enjamlarynda hem peýda b0lar.
