“Türkmentelekomyň” hünärmenleri “Senagatlaşan Russiýanyň sanly industriýasy” maslahatynyň çäklerinde onlaýn görnüşde geçirilen abraýly halkara kiber çempionatynda üçünji orny eýeledi.
“Türkmenistan: Altyn asyr” onlaýn neşiriniň habar bermegine görä, bu ýyl çempionat dürli ýurtlardan modelirlenýän IT infrastrukturasyna haker hüjümlerini ýok etmek üçin bäsleşjek 40 topar ýygnady.
Bäş hünärmenden ybarat bolan “Türkmentelekom” toparynyň agzalary tabşyrylan işleri üstünlikli ýerine ýetirip, sazlaşyky işlerini, ösen bilimlerini we gurallary dolandyrmagyň ussatlygyny görkezdiler.
2015 bal bilen üçünji orny eýelän türkmen IT hünärmenleri “Solar” kompaniýalaryň toparyndan we kiber çempionatyň tehnologik hyzmatdaşlaryndan “Howpsuzlyk kody” we “Kasperski laboratoriýalaryndan” maglumat howpsuzlygy önümlerini ulanmak üçin şahadatnama aldylar.
Bäsleşigiň ilkinji iki ýerini Russiýanyň toparlary aldy.
Halkara kiber çempionaty Russiýa Federasiýasynyň Sanly ösüş, aragatnaşyk we köpçülikleýin aragatnaşyk ministrligi we Rostelekom tarapyndan gurnaldy.
