SpaceX Starlink hemra ulgamyna täze aýratynlyklary goşup, ony ösdürmegini dowam etdirýär. Şu hepde kompaniýa adaty smartfonlarda, hiç hili modifikasiýasyz, Starlink -iň kömegi bilen edilen wideo jaňy görkezdi. Wideony X-da görüp bolar.
Görkeziliş SpaceX-iň Waşington ştatynyň Redmond şäherindäki ştab-kwartirasynda geçirildi. Wideo jaň biri-biriniň gapdalynda duran iki işgäriň arasynda edildi.
SpaceX-iň hemralary taslamalaşdyrmak boýunça uly müdiri Ben Longmaýeriň sözlerine görä, bu kompaniýa orbitadaky öýjükli aragatnaşyk goldawly (Direct to Cell) hemralarynyň sanyny 6-dan 38-e çenli artdyrdy. Bu baglanyşygyň tizligini 17 Mbit / s-a çenli artdyrdy we wideo jaňlaryny etmek mümkin boldy.
SpaceX T-Mobile bilen hyzmatdaşlykda şu ýylyň ahyryna çenli ABŞ-da Starlink täjirçilik öýjükli emeli hemra hyzmatyny işe girizmegi meýilleşdirýär. Hyzmat T-Mobile-iň abonentlerine habar ibermäge, jaň etmäge we öýjükli aragatnaşygyň ýok ýerlerinde internete birikmäge mümkinçilik berer.
Emma SpaceX-iň tehnologiýasyny täjirçilik maksatly ulanmak üçin ABŞ-nyň Federal aragatnaşyk komissiýasyndan (FCC) rugsat almaly. Wideo jaňynyň görkezilmegi düzgünleşdiriji guramalar bilen gepleşiklerde SpaceX-iň peýdasyna delil bolup biler.
