Lenovo kompaniýasy geljek ýyl özboluşly çekilip ulaldylýan displeýi bolan planşeti çykarmagy meýilleşdirýär. Gurluşyň Samsung-dan 17 dýuýma çenli giňeldilip bilinjek 13 dýuým ekran bilen enjamlaşdyrylmagyna garaşylýar diýip, Sammobile habar berýär.
Bu innowasion displeý tehnologiýasy ilkinji gezek 2022-nji ýylda Samsung tarapyndan hödürlendi.
Lenovo planşeti, hakykatda, planşet we noutbuk funksiýasyny özünde jemleýän gibrid gurluş bolar. Ykjam ýagdaýda ol planşet hökmünde ulanmak üçin amatly bolan 13 dýuým ekrana eýe bolar. Zerur bolan ýagdaýynda ekrany 17 dýuýma çenli ulaldyp, noutbuk ýaly ulanmak mümkinçiligi bar.
Ýöne displeýiň takyk ölçegi bilen bagly käbir bulaşyklyk hem bar. Ross Young insaýderi ekranyň 18,1 dýuým boljakdygyny nygtaýar.
Lenovo-dan resmi maglumat heniz ýok. Ähtimal, kompaniýa ekranyň gutarnykly ölçegini tassyklamadyk bolmaly.
