2023-nji ýylyň sentýabr aýynda çykarylan Redmi Note 13 Pro-dan soň, Redmi Note 14 Pro smartfony barada ilkinji maglumatlar peýda boldy diýip, gagadget.com ýazýar.
Weibo portalyndaky Digital Chat Station insaýderiniň maglumatyna görä, Redmi Note 14 seriýasy kamerasynyň mümkinçiliklerine we ajaýyp dizaýnyna ünsi çekip biler. Hatardaky smartfonlaryň birinde ýokary täzeleniş tizligi bilen 1.5K AMOLED ekrany bolar diýlip çak edilýär. Prosessor hökmünde Snapdragon 7s Gen 3 diýlip hem atlandyrylýan Qualcomm SM7635 ulanylar.
Insaýder enjamyň adyny aýtmady, ýöne aýratynlyklary boýunça Snapdragon 7s Gen 2 esasynda Redmi Note 13 Pro-dan soň, adynyň Redmi Note 14 Pro bolmagy ähtimal.
Maglumatda 5000 mAs ýa-da ondanam köp kuwwatlylygy bolan uzak möhletli batareýa hem agzalýar.
Redmi Note 14 Pro-nyň çykarylmagynyň resmi senesi entek belli däl. Smartfonyň 2024-nji ýylyň güýzünde Hytaý bazarynda we 2025-nji ýylyň başynda dünýä bazarynda peýda bolmagyna garaşylýar.
