“Ferrariniň” sürüjisi Şarl Lekler özi üçin öýünde bolan Monakonyň Gran-prisinde ilkinji ýeňşini gazandy. Ol Oskar Piastriden (“Maklaren”) we topardaşy Karlos Saýnsdan öňe geçdi.
Häzirki dünýä çempiony Maks Werstappen (“Red Bull”) pellehana altynjy bolup gelip, sekiz ýaryşda üçünji ýeňlişine sezewar boldy.
Ýaryş bulam-bujarlyk bilen başlandy. Birinji aýlawda Serhio Peresiň (“Red Bull”), Kewin Magnusseniň (“Haas”) we Niko Hýulkenbergiň (“Haas”) gatnaşmagynda bolan heläkçilik gyzyl baýdagyň galdyrylmagyna sebäp boldy. Ýaryşdan soň stýuardlar bu wakany ýaryş hadysasy diýip kabul etdiler.
Lekler ýaryşyň başyndan öňdebaryjylygy saklap, bäsdeşlerine yzyndan ýetmäge ýol bermedi. Netijede, ol ynamly ýeňiş gazandy. Ol ýeňişden soň ýaryşyň ahyrynda gözýaşlary sebäpli ýoly kynçylyk bilen görendigini aýtdy.
“Meniň üçin bu köp zady aňladýar. Bu meniň çagalykdan utmak islän ýaryşym” diýip, “Red Bulluň” sürüjisi belledi.
Şeýlelikde, Piastri ikinji orny eýeledi, Saýns bolsa üçlügi jemledi. Werstappen Lando Norrisden (“Maklaren”) we Jorj Rasselden yza galyp, altynjy boldy.
“Formula-1-iň” indiki tapgyry – Kanadanyň Gran-prisi 7 – 9-njy iýunda Monrealda geçiriler.
