3-nji iýun – Bütindünýä welosiped güni mynasybetli Türkmenistanda birnäçe bedenterbiýe-sport we sagdyn-durmuş çärelerini geçirmek meýilleşdirilýär. Şol çärelere taýýarlyk görlüşi barada wise-premýer N.Amannepesow döwlet Baştutanyna hasabat berdi.
Şunuň bilen baglylykda,
- 3-nji iýunda Aşgabatda köpçülikleýin welosipedli ýörişi guramak göz öňünde tutulýar;
- 31-nji maý – 3-nji iýun aralygynda ýurdumyzyň welosport boýunça ýygyndy toparynyň türgenleriniň gatnaşmagynda ýokary tizlikli awtomobil ýolunyň Mary-Tejen-Aşgabat böleginiň ugry bilen uzynlygy 335 kilometr aralyga dört tapgyrdan ybarat welosipedli ýörişi geçirmek meýilleşdirilýär;
- 27-nji maý – 3-nji iýun aralygynda Olimpiýa şäherjiginiň “Welotrek” sport toplumynda “Siz bilen sportda gadamlar batly, Ak geljege ýörelgämiz Arkadag” atly welotrek boýunça Türkmenistanyň birinjiligini geçirmek göz öňünde tutulýar.
Serdar Berdimuhamedow Bütindünýä welosiped güni mynasybetli giňden hem-de dabaraly belläp geçmek üçin gowy taýýarlyk görülmegini, şeýle hem bu baýram mynasybetli paýtagtymyzda hem-de welaýatlarda bedenterbiýe-sport çärelerini talabalaýyk geçirilmegini wise-premýere tabşyrdy.
