Bütindünýä saglygy goraýyş guramasy “ileri tutulýan bakterial patogenler (BPPL) 2024” atly täze sanawy çap etdi. Oňa antibiotiklere durnukly bakteriýalaryň 15 maşgalasy girýär.
BSGG adamlar üçin iň howply superbakteriýalaryň sanawyny täzeledi: antibiotiklere durnukly 15 maşgala howp derejesine görä üç kategoriýa bölünýär.
Howply sanawda:
- Acinetobacter baumannii (keselhana içindäki ýokançlyklar, pnewmoniýa)
- 3-nji nesil sefalosporinlere we karbapenemlere durnukly Enterobacterales (salmonella, gyrgyn we içege taýajyklary)
- Rifampisine durnukly Mycobacterium tuberculosis (inçekesel)
Ýokary ähmiýet berilmelileriň sanawynda:
- Salmonella Typhi (garyn garahassalygy), ftorhinolonlara çydamly
- Shigella spp. (ganly içgeçme), ftorhinolonlara çydamly
- Enterococcus faecium (neonatal meningit, endokardit), wankomisine çydamly
- Pseudomonas aeruginosa (gök iriňli taýajyk), karbapenemalara çydamly
- Garyn garahassalygy däl salmonella, ftorhinolonlara çydamly
- Neisseria gonorrhoeae (gonoreýa), 3-nji nesil sefalosporinlere we / ýa-da ftorhinolonlara çydamly
- Staphylococcus aureus (altynsow stafilokokk) metisilline çydamly
Orta dereje ähmiýet berilmelilileriň sanawynda gowşak toparlarda ünsi talap edýän bakteriýalar:
- A topar streptokokklar, makrolidlere çydamly
- Streptococcus pneumoniae, makrolidlere çydamly
- Haemophilus influenzae, ampisilline çydamly
- B topar streptokokklar, penisilline çydamly
BSGG-niň hünärmenleri howp derejesiniň ýokarlanýandygyny, täze antibiotikleriň bolsa superbakteriýalara garşy göreşip ýetişmeýändigini nygtaýarlar.
BSGG bu meselä garşy göreşmek üçin antibiotikleri ulanmagy çäklendirmäge, täze dermanlaryň işläp taýýarlanyşyna maýa goýmaga, arassaçylyk şertlerini gowulandyrmaga we jemgyýetiň habardarlygyny ýokarlandyrmaga çagyrýar.
