Nepally alpinist 30-njy gezek Ewereste çykyp, öz rekordyny täzeledi

  • 23.05.2024 08:33
  • 15k+

Nepally ýolbelet-alpinist Kami Rita bir aýyň içinde ikinji gezek we ömründe 30-njy gezek dünýäniň iň beýik depesi Ewereste (8848 metr) çykdy. Bu barada AFP ekspedisiýanyň guramaçylaryna salgylanyp habar berýär.

54 ýaşly Kami Rita Ewereste çykmak boýunça öz rekordyny täzeledi. Nepallynyň dünýäniň iň beýik depesine 29-njy ekspedisiýasy maý aýynyň birinji ýarymynda boldy.
Ilkinji gezek Kami Rita Ewereste 1994-nji ýylda çykdy we şondan bäri her ýyl diýen ýaly depä çykdy. Onuň kakasy ilkinji ýolbelet-şerpleriň biri bolan.
Geçen ýyl Kami Rita bir hepdede iki gezek Ewereste çykyp, dünýä rekordyny goýdy. Ol hasabynda 27 gezek depä çykan kärdeşi Pasang Dawa bilen bäsleşýär.
Nepalda ýaşaýan halklaryň biriniň wekilleri bolan şerpler, köplenç, Ewereste çykýan alpinistler üçin ýolbelet bolýarlar.


düýn 09:15
4.7k+

95 ýaşly amerikaly dünýäde iň garry awtobus sürüjisi diýlip ykrar edildi

Tehasyň 95 ýaşly ýaşaýjysy dünýäde iň garry awtobus sürüjisi diýlip ykrar edildi. Onuň üstünligi Ginnesiň rekordlar kitabynda bellendi. Ol işlemegini dowam etdirýär we entek pensiýa çykmagy meýilleşdirmeýär diýip, The Guardian habar berýär...

28.11.2025 23:12
10k+

San-Diegoda iki jahan urşuny başdan geçiren 141 ýaşly pyşbaga Ene bilen hoşlaşyldy

San-Diego haýwanat bagynyň iň garry ýaşaýjysy, 141 ýaşly Ene (Gramma) atly galapagos pyşbagasy aradan çykdy. Haýwanat bagynyň işgärleri süňk keseli sebäpli ony uka gidirmeli boldy. CNN-iň habar bermegine görä, ewtanaziýa baradaky çözgüt jandaryň ýaş bilen bagly başdan geçirýän azaplary sebäpli kabul edildi...

26.11.2025 10:02
2.3k+

The Weeknd “After Hours Til Dawn” konsert syýahatyndan 1 mlrd dollardan gowrak gazanyp, rekord goýdy

The Weeknd rekord goýmagyny dowam etdirýär: onuň dünýä boýunça After Hours Til Dawn konsert syýahaty erkek solo aýdymçylarynyň arasynda taryhda iň girdejili syýahat boldy. 2022-nji ýylda başlany bäri konsert syýahaty Demirgazyk Amerikada (iki gezek), Ýewropada, Beýik Britaniýada, Latyn Amerikasynda we Awstraliýada geçdi...

24.11.2025 12:05
2.4k+

Supermen baradaky ilkinji komiks rekord 9,12 mln dollara satyldy

1939-njy ýylda çykan “Supermen” komiksiniň ilkinji sanynyň asyl nusgasy auksionda 9,12 mln dollara satyldy. NBC News-iň habar bermegine görä, bu komiks bazary üçin hakyky rekord boldy. Uzak wagtlap bu nusga ýitirilen diýlip hasaplanypdy: ol köp ýyllap Demirgazyk Kaliforniýadaky bir öýüň üçeginde gutuda saklanypdyr...