Russiýa we Türkmenistan Aşgabatda A.S.Puşkin adyndaky drama teatrynyň täze binasynyň gurluşygyny maslahatlaşýarlar. Bu barada TASS agentliginiň žurnalistlerine RF-niň medeniýet ministriniň orunbasary Andreý Malyşew habar berdi.
«Türkmenistan bilen geňeşmelerimiz gurluşyk işleriniň tiz wagtda başlanjakdygyna ýardam eder diýip umyt edýäris. Bizde eýýäm bu babatda Täjigistan bilen hereket edýän tejribämiz bar. Duşenbede Maýakowskiý adyndaky teatryň gurluşygy başlandy. Şonuň üçin hem tejribämizi bu ýerde hem ulanyp bileris" diýip, Malyşew belledi.
A.S.Puşkin adyndaky döwlet rus drama teatry 1926-njy ýylyň güýzünde esaslandyryldy, 1937-nji ýylda bolsa rus nusgawy şahyry Puşkiniň adyny aldy. Häzirki wagtda teatr Magtymguly şaýolunyň ugrunda ýerleşýär.
