Blue Origin 90 ýaşly kosmos syýahatçysyny uçurdy, ol baryp 1961-nji ýylda kosmosa uçurylmaly eken

  • 21.05.2024 13:48
  • 16k+

19-njy maýda Blue Origin kompaniýasy alty adamdan ybarat ekipaž bilen New Shepard suborbital kosmos gämisini uçurdy. Bu barada TASS habar berýär.

Uçuryş Wan-Horn şäheriniň (Tehas ştaty) golaýyndaky kosmodromdan amala aşyryldy. Uçuş 11 minut töweregi dowam etdi we kosmos gämisi, takmynan, 100 km belentlige çykdy. Bu Blue Origin-iň 2022-nji ýyldan bäri ilkinji ekipažly uçuşy boldy.
Iki ýyl mundan ozal sürüjisiz uçuşyň dowamynda gäminiň bir bölegi weýran boldy, ýöne kapsula üstünlikli gonmagy başardy. Şondan soň Jeff Bezosyň kompaniýasy arakesme aldy we häzir adamly uçuşlaryny gaýtadan dikeltdi.


New Shepard-yň bortunda amerikaly maýadar Meýson Enjel, fransiýaly Silwen Hiron, inžener we telekeçi Kennet Hess, pensiýaçy Kerol Şeller, Hindistandan dolandyryjy Gopi Totakura, şeýle-de ABŞ-nyň Harby-howa güýçleriniň 90 ýaşly weterany Ed Duaýt bardy. Ed Duaýt 1961-nji ýylda Prezident Jon Kennedi tarapyndan ýurtda kosmonawt bolmak üçin ilkinji garaýagyz dalaşgär hökmünde saýlanypdy, ýöne şol döwürler ol kosmosa uçup bilmedi.
Blue Origin 2000-nji ýylda Amazon-yň eýesi Jeff Bezos tarapyndan esaslandyryldy. Kompaniýa kosmos enjamlarynyň we raketa göterijileriň, şeýle-de raketa hereketlendirijileriniň önümçiligi bilen meşgullanýar.


24.08.2025 17:46
6.7k+

Bvlgari 2030-njy ýyla çenli Abu-Dabide täze kaşaň dynç-alyş toplumyny gurar

Bvlgari Hotels & Resorts Birleşen Arap Emirlikleriniň paýtagty Abu-Dabide täze dynç alyş toplumyny we ýaşaýyş jaýlaryny gurmak barada ylalaşyk baglaşdy. Toplumyň açylyşy 2030-njy ýyla meýilleşdirilýär. Bvlgari Resort & Mansions Abu Dhabi hususy adada ýerleşer...

23.08.2025 18:31
8.6k+

Tailand 200 müň syýahatça mugt awiabiletleri paýlamagy meýilleşdirýär

Tailandyň Syýahatçylyk we sport ministrligi daşary ýurtly syýahatçylar üçin mugt içerki uçuş maksatnamasyny teklip etdi. Bu başlangyjy durmuşa geçirmek üçin 700 mln bat bölüp bermek meýilleşdirilýär diýip, The Economic Times neşiri ýazýar...

22.08.2025 19:06
12k+

Döwlet departamenti ABŞ-nyň wizasy bolan 55 mln adamy düzgün bozma barlagyndan geçirer

21-nji awgustda ABŞ-nyň Döwlet departamenti amerikan wizalary bolan 55 milliondan gowrak daşary ýurtlynyň migrasiýa kanunyň düzgünlerini bozup bilendigini ýa-da ýokdugyny barlar. Bu barada Associated Press agentligi habar berýär...

22.08.2025 19:04
16k+

Türkiýe türkmen raýatlary üçin talyp wizasyny almaga ýüz tutmak tertibine üýtgetmeleri girizdi

Türkiýe Türkmenistanyň raýatlary üçin talyp wizasy bilen baglanyşykly ýüz tutmak tertibine üýtgetmeleri girizdi. Bu barada Türkiýäniň Aşgabatdaky Gateway wizalar merkezi mälim etdi. Üýtgetmler 2025-nji ýylyň 20-nji awgustyndan güýje girýär...