Altynyň bahasy bir unsiýa üçin 1,4%, 2450,07 dollara çenli ýokarlanyp, täze taryhy derejesine ýetdi. Bahalaryň gymmatlamagyna Federal ätiýaçlyk gaznasynyň şu ýyl pul-karz syýasatyny ýeňilleşdirip başlajakdygy bilen baglanyşykly optimizm täsir etdi.
Bloomberg beýleki faktorlaryň arasynda Ýakyn Gündogarda artýan geosyýasy dartgynlylygy belleýär.
Bahalaryň täze böküşi aprel aýynda gazanylan öňki rekorddan geçdi. Treýderler Federal ätiýaçlyk gaznasynyň sentýabr aýynda gymmatly kagyzlary satyn almagyň bahasyny arzanladyp biljekdigini çaklaýarlar, bu hem altynyň bahasynyň ýokarlanmagyna itergi berer.
Geçen hepde ABŞ-nyň dollary pese gaçdy, gazna obligasiýalary bolsa inflýasiýa aprel aýynda garaşylandan has haýallandan soň ýokarlandy. Bu öz gezeginde gymmat bahaly metala goldaw berdi.
Altyn Eýrandaky pajygaly wakalardan soň hem üns merkezinde boldy. Bu habar Gyzyl deňizdäki durnuksyz ýagdaýlaryň esasynda sebitde geosyýasy töwekgelçilikleriň artýandygyny görkezdi.
