Türkmenistan Eýranyň Prezidentiniň aradan çykmagy zerarly ýurduň ýolbaşçylaryna gynanç bildirdi

  • 20.05.2024 13:02
  • 57k+

Türkmenistanyň Prezidenti Serdar Berdimuhamedow we Türkmenistanyň Halk Maslahatynyň Başlygy Gurbanguly Berdimuhamedow Eýran Yslam Respublikasynyň Prezidenti Ebrahim Raisiniň aradan çykmagy zerarly Eýranyň ýolbaşçylaryna gynanç bildirdiler. Bu barada Türkmenistanyň DIM-niň Metbugat gullugy habar berdi.

Heläkçilikli hadysa 19-njy maýda Eýranyň Gündogar Azerbaýjan welaýatynda bolup geçdi.
Mehr agentliginiň habar bermegine görä, Ebrahim Raisi, DIM-niň ýolbaşçysy Hoseýn Amir Abdollahian we Azerbaýjana sapar bilen baran wekiliýetiň beýleki agzalary yzyna dolanyp gelýän wagtlary ýurduň demirgazyk-günbatarynda daglyk ýerlerde dikuçar heläkçiligine uçrapdyrlar.
Ýurduň Prezidentinden we DIM-niň ýolbaşçysyndan başga-da, şol dikuçarda Tebriziň ymamy Mohammad Ali al-Haşem, Gündogar Azerbaýjan welaýatynyň ýolbaşçysy Malek Rahmati, uçaryň ekipažy we bir sany goragçy bar eken.
Maglumaty Eýranyň wise-prezidenti Mohsen Mansuri tassyklady.
Reuters agentliginiň ýazmagyna görä, Raisi aradan çykandan soň Eýranyň Prezidentiniň wezipesini wagtlaýyn ýurduň birinji wise-prezidenti Mohammad Mohber ýerine ýetirer. Ol Parlamentiň ýolbaşçysy we Eýranyň kazyýet häkimiýetiniň ýolbaşçysy bilen bilelikde täze prezident saýlawlaryny geçirjek geňeşiň düzümine girdi. Nobatdan daşary saýlawlar Raisi aradan çykandan soňky 50 günüň içinde geçiriler.


25.08.2025 15:49
2.6k+

Aşgabatda okuwçylaryň arasynda “Ozon we klimat” ylmy-döredijilik bäsleşigi yglan edildi

Türkmenistanda ozon gatlagyny goramagyň Halkara güni mynasybetli mekdep okuwçylarynyň arasynda “Ozon we klimat” atly ylmy-döredijilik bäsleşigi yglan edildi. Bäsleşigi “Ýaş tebigatçy” jemgyýetçilik guramasy BMG-niň Senagat Ösüşi boýunça guramasy (UNIDO) we BMG-niň Ösüş Maksatnamasy (BMGÖM) bilen bilelikde guraýar...

25.08.2025 07:29
11k+

Türkmenistanda hepdelik howa maglumaty (25.08 - 31.08)

Türkmenistanyň Daşky gurşawy goramak ministrliginiň Gidrometeorologiýa gullugy ýurdumyzda şu hepdäniň dowamynda boljak howanyň ýagdaýy barada maglumat berdi. Aşgabatda az bulutly howa bolup, demirgazyk-günbatardan tizligi sekuntda 10 — 12 metrden 13 — 15 metre ýetýän şemal öwser...

24.08.2025 16:24
5.7k+

Aşgabatda "Kids EXPO" sergisiniň çäklerinde «Sumo robot» bäsleşigi geçirildi

Aşgabatda geçirilen «Kids EXPO: ähli zat çagalar üçin » atly halkara sergi-ýarmarkasynyň çäklerinde «Sumo robot» bäsleşigi guraldy. Türkmenistanyň Söwda-senagat edarasynyň hem-de «Döwrebap maslahat» hususy kärhanasynyň bilelikde geçiren bäsleşigine ýurdumyz boýunça ýaşlaryň 50-ä golaýy gatnaşdy...

22.08.2025 18:47
2.8k+

Ýaş türkmen zehinleri TÜRKSOÝ-yň geçiren bäsleşiklerde baýraklary orunlary aldylar

Ýakynda Gazagystanyň Aktau şäherinde Türki medeniýetiň halkara guramasy (TÜRKSOÝ) tarapyndan yglan edilen çagalaryň halkara döredijilik festiwaly geçirildi. Çagalaryň döredijilik festiwalyna ýurdumyzdan hem ýaş zehinler gatnaşdylar...