19-njy maýdan 24-nji maý aralygynda Abu-Dabide (BAE) dzýudo boýunça dünýä çempionaty geçiriler. Oňa dünýäniň 109 ýurdundan 672 türgen gatnaşar.
Ýaponiýaly tälimçi Kazuhiko Topkunonyň ýolbaşçylygynda Türkmenistanyň milli ýygyndysyna 8 türgen wekilçilik eder: 5 erkek we 3 zenan: Aýbek Omirow (60 kg çenli), Serdar Rahymow, Hekim Agamämmedow (ikisi-de – 66 kg çenli), Mamedaly Açyldyýew (90 kg çenli), Baýmyrat Majanow (100 kg çenli), Gurbanaý Gurbanowa (48 kg çenli), Maýsa Pardaýewa (57 kg çenli) we Zulhumar Daşkinowa (63 kg çenli).
Türgenler 15 medal toplumy we Parižde geçiriljek 2024-nji ýylyň Oýunlary üçin Olimpiýa kwalifikasiýasynyň reýting utuklary ugrunda göreşerler. Ýeňijiler 2000 utuk, kümüş medallaryň eýeleri 1400 utuk, bürünç medallaryň eýeleri 1000 utuk gazanarlar.
Ýeňijileriň pul baýragy 26 müň ýewro, kümüş üçin – 15 müň ýewro, bürünç üçin – 8 müň ýewro bolar.
Çempionatyň final söweşleri “Матч! Боец” telekanalynda göni ýaýlymda görkeziler. Ýaýlym Aşgabat wagty bilen 18:55-de başlar.
