Türkmenistanyň woleýbol boýunça milli ýygyndysy jemleýji duşuşykda ýaryşyň ýer eýeleri bolan Pakistandan 1:3 hasabynda ýeňlip, Merkezi-Aziýa woleýbol konfederasiýasynyň (CAVA) kümüş medallaryny gazandy. Ýaryş Yslamabatda geçirildi.
Final duşuşygynda ýeňlendigine garamazdan, kümüş medala çenli türkmen woleýbolçylarynyň geçen ýoly ýeňil bolmady. Serdar Täçnazarowyň şägirtleri ýaryşyň dowamynda ýeňşe bolan erk-islegini we ýokary taýýarlyk derejesini görkezip geldiler.
Ýaryşda bürünç medallary Şri-Lankany 3:1 hasabynda ýeňen, Gyrgyzystanyň woleýbolçylary aldylar.
CAVA ýaryşyna alty ýurt - Eýran, Şri-Lanka, Owganystan, Türkmenistan, Gyrgyzystan we Pakistan gatnaşdy.
