72,5 müňden gowrak millioneriň ýaşaýan ýeri bolan Dubaý Ýakyn Gündogaryň iň baý şäheri adyny aldy. Bu Henley & Partners we New World Wealth kompaniýalary tarapyndan düzülen täze hasabatdan gelip çykýar.
Hasabatda 2013-nji ýyldan 2023-nji ýyl aralygynda 1 mln dollardan geçýän aktiwleri bolan adamlaryň sanynyň 78% ýokarlanandygy bellenilýär.
Mundan başga-da, Dubaýda baýlygy 100 mln dollardan geçýän 212 sany örän baý adam we 15 milliarder ýaşaýar.
Umuman, Dubaý baý adamlaryň sany boýunça dünýäniň iň uly 50 şäheriniň sanawynda 21-nji orny eýeledi. Birinji orunda Nýu-Ýork gelýär: ol ýerde 349,5 müň millioner we 60 milliarder ýaşaýar. Şeýle-de, ilkinji bäşlige San-Fransisko, Tokio, Singapur we London girýär.
