Germaniýanyň öňki kansleri Angela Merkel memuarlaryny çykarar, kitap “Erkinlik. Ýatlamalar 1954-2021” adyny alar. Bu barada “Pan Macmillan” amerikan neşirýatyna salgylanyp, The Guardian habar berýär.
Memuarlar şu ýylyň noýabr aýynda çykar. Bu kitapda syýasatçy GDR-de çagalygyndan başlap, tä syýasy karýerasyna we GFR häkimiýetiniň ýokary eşelonlarynda işine başlaýança geçen durmuş ýoly barada jikme-jik gürrüň berer.
Memuarlaryň adyny düşündirmek bilen, Merkel esasy maksadynyň özi üçin erkinligiň nämedigi baradaky soraga jogap bermekdigini aýtdy. Syýasatçynyň bellemegine görä, bu sorag onuň bütin ömrüni eýeleýär.
Şeýle-de, memuarlarda dünýäniň iň täsirli adamlary bilen geçirilen duşuşyklardan we söhbetdeşliklerden ýatlamalar we netijeler getiriler, kitap Germaniýanyň we umuman, dünýä syýasatyndaky öwrülişikli pursatlar hem-de biziň häzirki günümizi kesgitlän çözgütleriň kabul edilişi barada gürrüň berer.
