Günorta Koreýanyň Samsung Electronics kompaniýasy Apple-iň yzysüre awtonom dolandyryş ulgamyny işläp taýýarlamakdan ýüz öwürýär. Business Korea neşiriniň maglumatlaryna görä, Samsung-yň bu ugra jogap berýän Samsung Advanced Institute of Technology (SAIT) bölümçesi ony ileri tutulýan ugurlaryň hataryndan aýyrdy diýip, 3Dnews ýazýar.
Samsung-yň gelen karary birnäçe şertler bilen baglanyşyklydyr. Birinjiden, awtosürüjini işläp taýýarlamak göz öňünde tutulandan has çylşyrymly we gymmat. Ikinjiden, uzak möhletleýin geljekde şeýle maýa goýumlardan geljek maliýe girdejisi näbelliligine galýar. Şeýle-de, bu ugurda Samsung-yň bäsdeşi, şol sanda üstünlik gazanmaga mümkinçiligi ýokary bolan awtoöndürijiler köpdür.
Geçen ýyl Samsung adam gatyşmazdan umumy ýoldan 200 km geçip bilen sürüjisiz awtomobiliň prototipini görkezdi. Ýöne kompaniýa bu tehnologiýany mundan beýläk ösdürmegi maksada laýyk däl hasaplady.
Awtosürüji taslamasyna öň çekilen serişdeler we işgärler robototehnika ugruna gönükdiriler.
