Google kompaniýasy Chrome brauzeri üçin gyssagly täzelenme çykardy

  • 13.05.2024 20:27
  • 5k+

Google kompaniýasy howply gowşaklygy düzetmek üçin Chrome brauzeriniň täzelenmesini çykardy diýip, HelpNetSecurity portaly ýazýar.

Kiberhowpsuzlyk pudagyndaky hünärmenler Chrome-da ulanyjylaryň gurluşlarynda maglumatlara birugsat girmäge, ulgam bökdençliklerine ýa-da uzak aralykdan koduň ýerine ýetirilmegine sebäp bolup biljek CVE-2024-4671 gowşaklygyny tapdylar. Betpäl adamlar bu kemçiligi eýýäm öz maksatlary üçin işjeň ulanýarlar.
Google ähli goldanýan platformalar üçin täzelenme çykardy: Windows, macOS we Linux. Windows ulanyjylary üçin täzelenme belgisi – 124.0.6367.202, Mac we Linux üçin – 124.0.6367.201.
Gowşaklygyň ulanylmagy zyýanly programma üpjünçiligini gurnamak, maglumatlary ogurlamak, administratoryň hukuklary bilen täze akkauntlary döretmek ýaly çynlakaý netijelere getirip biler.
Google Chrome ulanyjylaryna gurluşlary howpsuzlandyrmak üçin brauzeri mümkin boldugyndan çalt täzelemegi maslahat berýär.
Bu mesele Chromium binýadynda gurlan Microsoft Edge we Brave ýaly beýleki brauzerlere-de degişlidir. Bu brauzerleri işläp düzüjiler gowşaklygy düzetmegiň üstünde eýýäm işleýärler.


27.05.2025 11:04
3.7k+

Sergeý Brin «Google-yň» 700 mln dollarlyk paýnamasyny haýyr-sahawat üçin bagyşlady

Google kompaniýasynyň esaslandyryjylaryndan Sergeý Brin kompaniýanyň, takmynan, 700 million dollara barabar bolan 4,1 million paýnamasyny haýyr-sahawat maksady bilen bagyşlady. Bu barada geçen hepde ABŞ-nyň Gymmatly kagyzlar we biržalar boýunça komissiýasyna berlen beýanatda mälim edildi...

25.05.2025 23:15
2.4k+

Google aktýorsyz film döretmek üçin Flow EA guralyny hödürledi

Google teksti hakyky filmlere öwürýän täze Flow EA guralyny işe girizdi. Hyzmat aktýorlar, surata düşüriji topar, sahna bezegleri we adaty önümçilik bolmazdan kino döretmäge mümkinçilik berýär. Flow diňe ABŞ-da elýeterli...

25.05.2025 19:55
13k+

184 million akkauntyň açyk duran parollar bazasy tapyldy, olaryň arasynda, hatda Google-yňky, Apple-iňki we Meta-nyňky hem bar

Internetde Facebook, Instagram, Snapchat, Roblox ýaly meşhur onlaýn hyzmatlarynyň, şeýle hem dürli ýurtlaryň bank, lukmançylyk we hökümet web sahypalarynyň 184 162 718 loginden we paroldan ybarat açyk maglumat bazasy tapyldy...

22.05.2025 12:30
4.1k+

Google sesli wideo döredýän ilkinji EA modelini – Veo 3-i hödürledi

Sessiz EA wideolarynyň uzak bolmadyk taryhy soňlandy. I/O 2025 konferensiýasynda Google tekst arkaly sesli wideo döredýän generatiw emeli aňyň ilkinji wersiýasyny – Veo 3 modelini hödürledi. Beýleki çözgütlerden tapawutlylykda, model ses döretmek üçin goşmaça görkezmeleriň bolmagyny talap etmeýär: ol kadrlary seljerip, sesi awtomatik saýlaýar...