Google 20-nji awgustda täze enjamlarynyň tanyşdyryş dabarasyny geçirjekdigini mälim etdi. Esasy üns Pixel 10 smartfon seriýasyna gönükdiriler diýip, The Verge ýazýar.
Syzdyrylan maglumatlara görä, Pixel 10-yň esasy modeli täzelenen kamera bölümini alar – iki modulyň ýerine üçüsi bolar. Şeýle-de, Pixel 10 Pro we Pixel 10 Pro XL modelleriniň çykmagyna garaşylýar.
Görkezilip bilinjek täze önümlere tozan geçirmeýän korpusy, kämilleşdirilen displeýleri we IP68 goragy bilen tapawutlanýan Pixel 10 Pro Fold eplenýän smartfon girýär.
Ähli enjamlar, öňki wersiýalardan tapawutlylykda, Qualcomm-yň we Apple-iň esasy hyzmatdaşy TSMC tarapyndan öndüriljek Tensor G5 çipinde işlär.
Çeşmeleriň berýän maglumatyna görä, kompaniýa täze enjamlaryň howpsuzlygyny we köpugurlylygyny ýokarlandyrmaga ünsi jemlär.
Smartfonlardan başga-da, bu çärede batareýasynyň kuwwaty ýokarlandyrylan we korpusynyň gabarasy ulaldylan Pixel Watch 4 akylly sagady görkezilip bilner. Şeýle hem elýeter bahaly Pixel Buds 2a simsiz gulaklyklaryň bildiriş edilmegine garaşylýar.
