Lýuksemburgda örän seýrek Chevrolet Corvette C5-R satuwa çykaryldy. Bu Chevrolet kompaniýasy tarapyndan 1999-2005-nji ýyllar aralygynda zawod topary üçin gurlan bäşinji nesil Corvette-iň ýaryş modifikasiýasynyň 11 nusgasynyň biridir diýip, Art&Revs ekzotik awtoulag dileriniň web sahypasyna salgylanýan auto.ru habar berýär.
Taryhda iň üstünlikli Corvette ýaryş awtoulaglarynyň biri hökmünde tanalýan C5-R “Le Manyň 24 sagady” we “Sebringiň 12 sagady” ýaly dürli seriýalarda bir topar gezek ýeňiş gazandy.
Görkezilen №007 şassili nusga ilkibaşda zawodyň topary üçin ätiýaçlyk hökmünde guruldy, ýöne soňra Belgiýanyň SRT toparyna satyldy. 2008-nji ýylda ol ulanyşdan aýryldy we 2016-njy ýyldan 2019-njy ýyla çenli onda düýpli dikeldiş işleri geçirildi.
Sport awtoulagy 650 at güýjüni öndürýän 7 litrlik hereketlendiriji we 773 Nm bilen enjamlaşdyrylandyr. Transmissiýanyň görnüşi görkezilmedi, ýöne trek C5-R-de el bilen we sekwental geçiriş gutusy ulanyldy.
Gyzyklanýan alyjylar Chevrolet Corvette C5-R-iň bahasyny diňe sargyt boýunça bilip bilerler.
