Mercedes-Benz kompaniýasy bilen Germaniýanyň Federal awtotransport edarasy bilelikde 275 sany nusgada öndürilen Mercedes-AMG One giperkarlarynyň 219-synyň yzyna çagyrylýandygyny mälim etdi. Bu bolsa ähli öndürilen modelleriň, takmynan, 80%-i diýmek bolýar. Şolaryň 183-si Germaniýada ýerleşýär.
Mesele işjeň arka ganatyň gidro herekete getirijisi bilen baglanyşykly. Beýanatda aýdylmagyna görä, giperkarlar ýygnalýan döwri ýalňyşlyk goýberilen bolmaly: käbir ulaglarda düzgün boýunça hökmany goýulmaly berkidiji ştiftleriň biri (fiksator) goýulmandyr. Bu ýagdaý gidro ulgamyň iş suwuklygynyň syzmagyna sebäp bolup biler.
Eger-de şol suwuklyk güýç ulgamyň gyzgyn böleklerine syzsa, ýangyn döräp biler. Emma bu mesele AMG One modeliniň hereketlendirijisinden gelip çykmaýar – ol 1,6 litrlik turbinaly V6 esasynda düzülen çylşyrymly gibrid hereketlendiriji bilen işleýär.
Yzyna çagyrylan ähli ulaglaryň arka ganatynyň herekete getiriji ulgamy barlanar. Zerur bolan ýetmeýän detallar täzeden ornaşdyrylar.
Bu mesele bilen bagly giperkarlaryň hemmesi 2022-nji ýylyň 12-nji dekabry bilen 2025-nji ýylyň 9-njy maýy aralygynda öndürilen ulaglardyr.
