Türkiýäniň Merkezi banky 2024-nji ýylyň ahyryndaky hümmetsizlenmäniň çaklamasyny öňki çak edilýän 36%-den 38%-e çykardy. Merkezi bankyň başlygy Fatih Karahan, gerek bolsa, bahalaryň ýokarlanmagyna garşy göreşmek üçin, monetar syýasaty has hem berkitmäge taýýardygyny aýtdy diýip, Daily Sabah neşiri habar berýär.
Çaklamanyň ýokarlanmagy garaşylýandan has güýçli içerki isleg bilen baglanyşykly. Türkiýäniň Merkezi Banky öň ýylyň ahyrynda hümmetsizlenmäniň 36% boljakdygyny çaklaýardy we çaklamanyň iň ýokarky çägi 42% diýip bellenipdi.
Häzirki wagtda ýurtda bahalaryň galyşynyň ýokarky çäginiň 75%-e golaýlap barýandygy bellendi. Garahan hümmetsizlenmäniň öňüni almak üçin Merkezi bankyň “mümkin bolan ähli zady etjekdigini” aýtdy.
Çaklamanyň ýokary galandygyna garamazdan, Bloomberg gullugynyň pikir soraşan seljerijileriniň köpüsiniň garaşyşyndan çaklama entegem birneme optimistik bolmagynda galýar.
