Sportico sport portaly häzirki wagtda iň gymmat futbol klublarynyň sanawyny hödürledi.
Reýtingde birinji orny Angliýanyň “Mançester Ýunaýtedi” eýeledi. Onuň bahasy 6,2 mlrd dollar diýlip hasaplanylýar. Ikinji orunda 6 mlrd dollar baha bilen Madridiň “Realy” ýerleşdi. Üçünji orny Kataloniýanyň “Barselonasy” eýeledi, onuň bahasy 5,2 mlrd dollara barabar. Ilkinji bäşligi 5,1 mlrd dollar bilen “Liwerpul” we 4,8 mlrd dollar bilen Mýunheniň “Bawariýasy” jemledi.
Şeýle-de, ilkinji onlukda “Mançester Siti” (4,75 mlrd dollar), “Pari Sen-Žermen” (4,05 mlrd dollar), “Arsenal” (3,91 mlrd dollar), “Tottenhem” (3,49 mlrd dollar) we “Çelsi” (3,47 mlrd dollar) bar.
Angliýanyň premýer-ligasynyň (APL) 35 oýnundan soň “Mançester Ýunaýted” ýaryş jedwelinde 54 utuk bilen sekizinji orny eýeleýär. Ýedinji orunda ýerleşýän “Çelsiniň-de” şonça utugy bar. Olaryň her biriniň ätiýajynda bir oýun bar.
Şu möwsümde “MÝ” Çempionlar ligasynyň toparçasynda iň soňky orny eýeledi. 12-nji maýda Angliýanyň çempionatynyň çäklerinde “Mançester Ýunaýted” Londonyň “Arsenaly” bilen duşuşar.
