Italiýanyň "Atalanta" futbol kluby Ýewropa ligasynyň ýarym finalynyň jogap duşuşygynda "Marsel" fransuz klubuny utdy. Bergamoda geçirilen duşuşyk 3:0 hasap bilen tamamlandy.
Duşuşykda gollary Ademola Lukman (30-njy minut), Matteo Rujeri (52) we El-Bilal Ture (90+5) geçirdi.
Şeýlelikde, iki oýnuň netijeleri boýunça (1:1, 3:0) "Atalanta" taryhynda ilkinji gezek ýewrokubok ýaryşlarynyň finalyna çykdy. UEFA Ýewropa ligasynyň finalynda italýan kluby "Baýer" lewerkuzen kluby bilen duşuşar. Duşuşyk 23-nji maýa geçilýän gije (Aşg. wagty bilen) Dublinde geçiriler.
