Adamzat siwilizasiýasyna galaktikany koloniýalaşdyrmak üçin million ýyl saklanmak gerek. Şeýle pikiri Maýkl Milken institutynda geçirilen maslahatda amerikaly işewür Ilon Mask öňe sürdi diýip, RBK ýazýar.
Ilkinji ýazuw tekstlerinden başlap hasaplananda, adamzat siwilizasiýasyna 5,5 müň ýyl bolandyr. Işewüriň pikiriçe bolsa, eger biz siwilizasiýa hökmünde million ýyl saklansak, biz galaktikanyň her bir böleginde bolup bilerdik.
Maskyň pikiriçe, biziň siwilizasiýamyz beýleki planetalary özleşdiren ýagdaýynda “millionlarça ýyl” ýaşap biler, bolmasa “bary-ýogy birnäçe ýüz ýyl hereket eder”.
Mask kosmos gözlegleriniň dowamynda adamzadyň “birwagtlar ýitip giden başga planeta siwilizasiýalarynyň” özlerinden soň galdyran zatlaryny tapyp biljekdigini çaklaýar.
Mundan başga-da, Mask başga planetalylaryň bardygyna hiç hili subutnamany görmeýändigini we kosmos kompaniýasynyň hemralarynyň-da hiç biriniň UFO bilen çaknyşmandygyny aýdýar. Şeýlelikde, Maskyň pikiriçe, adam galaktikanyň bu böleginde aňy bolan ýeke-täk janly-jemendedir. Ýogsam, eger Ýerden daşary siwilizasiýalar bar bolsa, olar eýýäm biziň galaktikamyzy koloniýalaşdyrardylar. “Siwilizasiýa tötänleýin we seýrek hadysa bolup, adamzat siwilizasiýasy gurşap alýan garaňkylykda kiçijik bir şem ýalydyr”.
