Ýazyjy Joan Rouling “The Times” bilen söhbetdeşlikde ýene alty eser ýazmagy meýilleşdirýändigini aýtdy. Muny gazeta.ru ýetirýär.
Rouling kitap ýazmak üçin kellesinde alty pikiriň bardygyny belleýär. Häzirki wagtda ýazyjy detektiw Kormoran Straýk hakyndaky sekizinji romanyň üstünde işleýär. Ol bu eser boýunça ýene iki tomuň boljakdygyny aýtdy.
“Soň ýene-de ýazmak isleýän üç kitabym bar” – diýip, ýazyjy paýlaşýar.
Rouling eserlerini elde ýazmagy, aýratynam, gijelerine ýazmagy gowy görýär. Ol işe girişmezden öň hemişe diýen ýaly kellesinde sýužeti doly görýändigini aýdýar. Şonuň üçin Garri Potter baradaky kitaplaryň awtory soňky bölümi birinji bölümi gutarmazdan öň hem ýazyp bilerdi.
Roulingiň aýtmagyna görä, ol “Garri Potter we syrly otag” eseriniň üstünde işlände ýazyjylyk çökgünligini başdan geçirýär. Ol “göýä doňup galan ýaly bolup”, nirä hereket etjegini bilmeýär. Şeýle ýagdaý bir hepde dowam edýär.
Ýöne, görşümiz ýaly, bu eseriň şowly çykmagyna päsgel bermedi. Ýazyjynyň “Garri Potter” franşizasy tutuş dünýä boýunça okyjylaryň söýgüsini gazanmagy başardy.
