Tesla haryt nyşanynyň bozulmagynda aýyplap, hindi kompaniýasyny kazyýete berdi

  • 07.05.2024 16:25
  • 13297
Tesla haryt nyşanynyň bozulmagynda aýyplap, hindi kompaniýasyny kazyýete berdi

Amerikanyň Tesla elektrik awtoulag öndürijisi özüniňkä meňzeş atlary we logotipleri ulanýandygy sebäpli Tesla Power India Ltd hindi kompaniýasyna garşy kazyýete arza berdi. The Indian Express gazetiniň ýazmagyna görä, Ilon Maskyň kompaniýasy hindi kompaniýasynyň hereketleriniň sarp edijileri ýalňyşdyrýandygyny we onuň abraýyna zyýan ýetirýändigini öňe sürýär.

Düýbi Gurgaonda ýerleşýän Tesla Power India Ltd batareýalary öndürýär we Tesla-nyň logotipini ýada salýan stilli “T”-ny ulanýar. Şeýle hem hindi kompaniýasy "Tesla Power" we "Tesla Power USA" söwda nyşanlaryny bellige aldyrdy.
Amerikan kompaniýasy hindi “klonyndan” öz söwda nyşanlaryny ulanmagy bes etmegini birnäçe gezek sorandygyny, ýöne netije bermändigini aýtdy. 2022-nji ýylda Tesla nyşany ulanmagy bes etmegini sorap resmi haýyş iberdi, ýöne muňa ähmiýet berilmedi.
Hindi kompaniýasy elektrikli awtoulag öndürmek niýetiniň ýokdugyny we marketing materiallarynda “Tesla” sözüni ulanmajakdygyny aýtdy.
2024-nji ýylyň 4-nji maýynda Tesla bu iş boýunça Deliniň Ýokary Kazyýetine arza berdi. Kazyýet Tesla Power India Ltd kompaniýasyna jogap taýýarlamak üçin üç hepde wagt berdi, indiki diňlenişik 22-nji maýda geçiriler.
Kazyýet işine garamaklyk Teslanyň hindi bazaryna girip biljekdigi baradaky myş-myşlaryň fonunda bolup geçýär. Economic Times gazetiniň maglumatlaryna görä, Ilon Mask 2024-nji ýylyň ahyrynda elektrik ulaglaryny öndürýän zawodyň gurluşygyny ara alyp maslahatlaşmak üçin Hindistana barmagy meýilleşdirýär. Bu sapar aprel aýynda amala aşyrylmalydy, ýöne kompaniýa täze önümçilik desgalaryny gurmazdan ozal strategiýany üýtgetmek we bar bolan zawodlaryň önümçilik kuwwatyny ýokarlandyrmak kararyna geldi.


11.05.2024 18:40
13246

Satuwy azalsa-da, gazanjy artdy: Samsung hindi bazarynda liderligini ýitirdi

Samsung ABŞ-da we dünýä bazarynda paýyny artdyrsa-da, Hindistanda ýagdaý günorta koreýaly kompaniýa üçin o diýen üstünlikli bolmady. Birinji çärýegiň jemi boýunça, kompaniýa göni üçünji orna düşdi. Bu barada ixbt...

04.04.2024 11:56
16909

Forbes: 2024-nji ýylda milliarderleriň sany artdy, olaryň baýlygy rekord goýýar

“Forbes” žurnaly dünýäniň iň baý adamlarynyň ýyllyk reýtingini neşir etdi. LVMH fransuz kompaniýasynyň eýesi Bernar Arno 233 mlrd dollar baýlygy bilen sanawda ýene-de birinji orny eýeledi. Geçen ýyl onuň baýlygy...

01.03.2024 16:10
1614

Disney, Viacom 18 we Reliance Hindistanda 8,5 milliard dollarlyk bilelikdäki kärhanany döredýärler

Disney, Viacom 18 we Reliance Industries Limited Hindistanda bilelikdäki kärhananyň döredilýändigini yglan etdi. Ylalaşygyň bahasy 8,5 milliard dollar diýip, Disney-iň metbugat beýanatynda aýdyldy. Amerikanyň Viacom...

11.02.2024 12:20
9519

Gautama Adani 100 mlrd dollarly baý adamlaryň hataryna gaýdyp geldi

Adani Group konglomeratynyň esaslandyryjysy, birwagt Aziýanyň iň baý adamy bolan Gautam Adaniniň baýlygy 100,7 mlrd dollara ýetdi we ol, Bloomberg-iň maglumatlaryna görä, dünýäniň iň baý adamlarynyň sanawynda 12...