“Maklaren” toparynyň britaniýaly ýaryşa gatnaşyjysy Lando Norris “Formula-1” dünýä çempionatynyň altynjy tapgyry bolan Maýaminiň Gran-prisinde ýeňiji boldy.
“Red Bull-dan” niderlandly Maks Werstappen pellehana ikinji bolup geldi. Üçünji orny “Ferrariden” monakoly Şarl Lekler eýeledi.
Norris karýerasynda ilkinji gezek “Formula-1” tapgyrynda ýeňiji boldy. Öň, ol hiç haçan ikinji orundan öňe geçmändi.
Şahsy indeksde Werstappen 136 utuk bilen öňdebaryjylygy saklaýar. Ikinji orny onuň meksikaly topardaşy Serhio Peres (101), üçünji orny Lekler (98) eýeleýär. Konstruktorlaryň kubogynda “Red Bull” öňdebaryjydyr (237). Ikinji we üçünji orunlarda, degişlilikde, “Ferrari”( 189) hem “Maklaren” (124) ýerleşýär.
