Gözlegçiler topary 1909-njy ýylda suwuň düýbüne giden “nälet siňen” gämini tapdylar. Bu barada LADBible habar berýär.
1909-njy ýylyň maý aýynda “Adella Şors” gämisi ABŞ-nyň Uaýtfiş burnundan ugrady, ýöne ekipaž ahyrky nokada baryp bilmedi. Gämi tupana düşüp, Superior kölüniň düýbüne gitdi, ýöne şol wagt onuň döwük bölekleri tapylmady. Mundan başga-da, gämi bu ýagdaýdan öňem iki gezek gark bolup, gaýtadan dikeldilipdi. Şol sebäpli ol “nälet siňen” belligini aldy.
115 ýyldan soň “Adella Şors” gämi heläkçilikleriniň taryhy jemgyýetiniň agzalary tarapyndan tapyldy. Hünärmenler döwrebap gidroakustik enjamy ulanyp, onuň kömegi bilen kölüň düýbüni gözden geçirdiler we gäminiň döwük böleklerini tapdylar.
“Adella Şors” gämisi 1894-nji ýylda guruldy. Ol Shores Lubmer Company-a degişli bolup, kompaniýanyň eýesiniň gyzy Adellanyň hormatyna atlandyryldy. Gäminiň uzynlygy, takmynan, 60 metre we agramy 735 tonna barabar.
