Beýik Britaniýada deriniň rak keseliniň iň agressiw görnüşi bolan melanoma garşy dünýäde ilkinji şahsylaşdyrylan sanjymyň synaglary başlandy. BSGG-nyň maglumatlaryna görä, her ýyl ortaça 132 müň adama şu rak keseliniň kesgidi goýulýar.
Guardian-yň ýazmagyna görä, her bir hassa üçin aýratynlykda döredilen mRNK-4157 sanjymy immunitet ulgamyna rak öýjüklerini tanamagy we ýok etmegi öwredýär, bu keseli bejermekde ep-esli öňegidişlik bolup biler.
Sanjym COVID-19 sanjymlarynda ulanylýan mRNK tehnologiýasyny ulanýar. Bu tehnologiýany döredijileriň Nobel baýragyna mynasyp bolandygyny ýatladýarys.
Waksinany “şahsylaşdyrýan” zat näsagyň çişiniň bir bölegi operasiýa wagtynda aýrylýar, soň DNK yzygiderliligi we emeli aň ulanylýar. Ondan 34-e çenli üýtgeşik “neoantigenleri” - rak keseliniň belgilerini tapawutlandyrýarlar. Adamyň immun ulgamy olary tanamagy we olara garşy göreşmegi öwrenip biler. Soňra bu neoantigenler näsaga berilýän mRNK sanjymyna kodlanýar.
Şeýle sanjymyň şöhle bejergisi, himiýa terapiýasy we hirurgiki amallar ýaly, häzirki melanomany bejeriş usullaryndan has täsirli bolmagyna garaşylýar. Waksina öýkeniň, öt haltanyň we böwregiň rak keseli ýaly, rakyň beýleki görnüşlerini bejermek mümkinçiligine-de eýedir.
MRNK-4157 sanjymy ýüzlerçe näsagda synagdan geçirilýär. Alymlar munuň diňe bir melanomany bejermek bilen çäklenmän, eýsem rak keseline garşy immunoterapiýanyň ösüşinde täze tapgyra öwrüljekdigine umyt baglaýarlar.
