“Liwerpul” 2024/2025-möwsüminiň Çempionlar ligasyna gatnaşmagyny kepillendirdi. Bu “Tottenhemiň” Angliýanyň Premýer-ligasynyň 26-njy tapgyrynyň “Çelsi” bilen oýnunda utulmagy (0:2) netijesinde boldy.
Şeýlelik bilen, mersisaýdly klub 2023/2024-möwsüminiň jemi boýunça Angliýanyň çempionatynyň jedwelinde dördünji orundan aşak düşmez.
Häzirki wagtda “Tottenhemiň” hasabynda 34 oýundan soň 60 utuk bar. Topar APL-iň jedwelinde bäşinji orny eýeleýär we mundan beýläk 75 utuk bilen üçünji orunda ýerleşýän “Liwerpulyň” yzyndan ýetip bilmez.
Belläp geçsek, şu möwsümde “Liwerpul” Çempionlar ligasynda çykyş etmedi, sebäbi 2022/2023-möwsüminde APL-de bäşinji orny eýeläpdi.
Ýatlap geçsek, indiki Çempionlar ligasyna 32 däl-de, 36 topar gatnaşar.
