Türkmenistan bilen Niderlandlar futbol ulgamynda hyzmatdaşlyga badalga berýär

  • 03.05.2024 11:20
  • 10k+

1-nji maýda Türkmenistanyň Futbol federasiýasynyň hem-de Niderlandlar Patyşalygynyň futbol bileleşiginiň arasynda wideo-duşuşyk geçirildi. Ikitarapa hem bähbitli bolan bu duşuşyk taryhy ähmiýete eýedir.

Geçirilen wideo-duşuşyk futboly ösdürmekde ikitaraplaýyn hyzmatdaşlygy giň gerimde alyp barmak baradaky meseleleri özünde jemledi. Geçirilen duşuşygyň dowamynda hemişelik dialogy alyp barmak, tälimçilik ugrunyň tejribesini, çagalar futbolyny ösdürmek barada, şeýle-de, iki ýurduň futbol guramalarynyň arasynda meýilnamalaýyn gatnaşygy saklamak barada pikir alşyldy diýlip, TmCars-a diplomatik wekilhanada habar berdiler.
Niderlandlar Patyşalygynyň futbol bileleşiginiň hünärmenleri Türkmenistana gelip, ikitaraplaýyn hyzmatdaşlyk bilen bagly meýilnamalary ýerinde seljermek babatynda iş geçirmäge isleg bildirdiler. Onda ikitaraplaýyn hyzmatdaşlygy doly derejede alyp barmak babatynda Ähtnama gol çekişmek baradaky teklip hem goldaw tapdy.
Türkmenistanyň Brýussel şäherindäki ilçihanasy futboly ösdürmek babatynda ikitaraplaýyn hyzmatdaşlygy ýola goýmak babatynda geçirilen bu wideo-duşuşyk üçin Niderlandlar Patyşalygynyň futbol bileleşigine minnetdarlygyny bildirdi. Bu başlangyçlaryň türkmen futbolyny ýokary derejede ösdürmäge oňyn şert döreder diýlip beýanatda bellenilýär. 


düýn 09:17
7.6k+

Türkmenistanyň milli ýygyndysy CAFA Milletler kubogynda Gyrgyzystan bilen 1:1 oýnady

30-njy awgustda CAFA Milletler kubogynda Türkmenistanyň milli ýygyndysy ilkinji duşuşygynda Gyrgyzystanyň garşysyna meýdança çykdy. Oýnuň ilkinji minutlarynda Gyrgyzystanyň milli ýygyndysy topa has köp erk etmegi başardy...

30.08.2025 18:01
4.1k+

Esasy transferler: Simons “Tottenhemiň” oýunçysy boldy, Garnaço “Çelsä” geçýär

“Tottenhem” resmi taýdan 22 ýaşly hüjümçi Hawi Simons bilen şertnama baglaşandygyny habar berdi. Klub “RB Leýpsige” 52 mln funt (60 mln ýewrodan gowrak) tölär. Futbolçy ýene iki möwsüm uzaltmak mümkinçiligi bilen bäşýyllyk şertnama baglaşdy...

30.08.2025 17:55
3.5k+

Ýewropa ligasynyň we Konferensiýa ligasynyň esasy tapgyrynyň bijeleri çekildi

UEFA Monakoda Ýewropa ligasynyň esasy tapgyrynyň bije çekişigini geçirdi. Ol ikinji möwsüm 36 toparyň gatnaşmagynda täzelenen görnüşde geçer. Şol gün Şweýsariýanyň Nýon şäherinde Ýewropada üçünji möhüm klub ýaryşy bolan Konferensiýa ligasynyň umumy tapgyrynyň hem bije çekişigi geçirildi...

30.08.2025 12:24
7.5k+

Zlatan Ibragimowiç we “Çelsi” UEFA-nyň prezidentiniň baýraklaryna mynasyp boldy

Şwesiýanyň milli ýygyndysynyň taryhynda iň gowy bombardir Zlatan Ibragimowiç UEFA-nyň prezidentiniň her ýyl berilýän baýragyna mynasyp boldy. Dabara penşenbe güni Monakoda geçen Çempionlar ligasynyň bije çekişigi wagtynda geçirildi...