400 ýyllyk däp: Tokioda aglaýan bäbekleriň festiwaly geçirildi

  • 01.05.2024 14:20
  • 28k+

Ýaponiýanyň paýtagtyndaky Senso-dzi buddizm ybadathanasynda aglaýan bäbekleriň festiwaly diýlip tanalýan her ýylky Naki-sumo festiwaly geçirildi. “Mir24”-iň habar bermegine görä, bu şowhunly ýaryşa bir ýaşa çenli çagalaryň 100-den gowragy gatnaşdy.

Ýapon ynanjyna görä, çaganyň aglaýşy näçe güýçli bolsa, ol şonça-da sagdyn we güýçli bolýar hem-de onuň agysy erbet ruhlary kowýar. Şonuň üçin ene-atalar 400 ýyl bäri ýapon medeniýetiniň möhüm bölegi bolup durýan bu adaty bolmadyk bäsleşige çagalaryny höwes bilen getirýärler.
Bäsleşik şeýle dowam edýär: bäbekleri sumo pälwanlaryna tabşyrylýar, olaram dürli usullar bilen (ýüz-gözlerini gorkunç edip, howuňy basýan sesleri çykaryp we ş.m.) çagalary gaty aglamaga mejbur edýärler. Sumo pälwany islenýän netijäni gazanyp bilmese, bu işe şeýtanyň iniňi düýrükdirýän nikabyny geýen kazylar goşulýarlar.
Ilki aglan ýa-da iň dowamly we iň gaty aglan çaga ýeňiji bolýar.
Naki-sumonyň Ýaponiýada gaty meşhurdygyny we her ýyl köp sanly tomaşaçyny özüne çekýändigini bellemelidiris.


04.09.2025 11:59
3.5k+

Ýapon şäheri ýaşaýjylaryny smartfon ulanylyşyny günde iki sagat bilen çäklendirmäge çagyrdy

Ýaponiýanyň Toýoake şäheriniň häkimligi onlaýn garaşlylyga garşy göreşiň çäklerinde ýaşaýjylary smartfon ulanylyşyny günde iki sagada çenli çäklendirmäge çagyrdy. Bu barada The Guardian habar berýär. Şäher häkimi Masafumi Koki bu çäräniň fiziki we psihiki saglyk meselelerine getirip biljek, şeýle-de ukyny bozup bilýän gurluşlaryň aşa köp ulanylmagynyň öňüni almaga gönükdirilendigini düşündirdi...

23.08.2025 12:41
14k+

102 ýaşly ýaponiýaly Fudzi dagyna çykan iň garry adam boldy

102 ýaşly ýaponiýaly Kokiti Akudzawa Fudzi dagyna çykan iň garry adam hökmünde Ginnesiň rekordlar kitabyna girdi. Adatça, daga çykmak 6 – 10 sagat wagt alýar, ýöne ol organizme agram salmazlyk üçin bu ýoly üç günde geçdi: Kokiti ýürek nogsanlygyndan ejir çekýär...

22.08.2025 18:57
12k+

Ýaponiýanyň üstünden “otly şar” uçup geçdi

Ýaponiýanyň günbatar prefekturalarynyň üstünden sişenbe güni ýerli wagt bilen 23:00-da ýiti otly şar uçup geçdi diýip, The Guardian habar berýär. Birbada birnäçe sebitiň ýaşaýjylary bu hadysa syn edip, sosial ulgamlarda wideo ýerleşdirdi...

05.08.2025 23:33
6k+

Ýaponiýa orbitany zibilden arassalamak boýunça halkara düzgünleri taýýarlaýar

Ýaponiýa hemralara we Halkara kosmos stansiýasyna howp salýan kosmos zibillerini aýyrmak üçin halkara düzgünleri işläp taýýarlamagy meýilleşdirýär. Bu barada ýurduň resmi şahslaryna salgylanyp, Kyodo agentligi habar berýär...