Özbegistanyň futbol ýygyndysy ilkinji gezek Olimpiýa oýunlaryna gatnaşmaga hukuk gazandy

  • 29.04.2024 23:01
  • 11008
Özbegistanyň futbol ýygyndysy ilkinji gezek Olimpiýa oýunlaryna gatnaşmaga hukuk gazandy

Aziýanyň Kubogy U-23-iň ýarym finalynda Özbegistanyň ýaşlar milli ýygyndysy Indoneziýandan 2:0 hasabynda üstün çykdy. Bu ýeňiş özbek futbolçylaryny diňe bir finala çykarmak bilen çäklenmän, eýsem, olara Parižde Olimpiýa oýunlaryna gatnaşmaga hem  hukuk berdi.

Bu taryhy netijä futbolçylar Husain Norçaýewiň (68-nji minut) golunyň we Pratam Arhanyň (86-njy minut) awtogolunyň netijesinde ýetdiler.
Finalda özbek futbolçylary Ýaponiýa - Yrak jübüdiniň ýeňijisi bilen duşuşarlar.
Olimpiýa oýunlary - 2024-iň çäklerinde futbol ýaryşy 24-nji iýuldan 10-njy awgust aralygynda geçiriler. Erkekler ýaryşyna dünýäniň iň güýçli 16 ýygyndysy gatnaşar.
Öň, TmCars-da Olimpiada - 2024-iň erkekler futbol ýaryşynyň toparlaýyn tapgyrynyň bijeleriniň çekilendigini habar beripdik.


düýn 18:06
9475

Lewandowskiý 2020-nji ýyldaky “Altyn top” baýragyny alyp biler

“France Football” žurnaly Ispaniýanyň “Barselonasynyň” hüjümçisi Robert Lewandowskä 2020-nji ýyldaky “Altyn top” baýragyny bermegi göz öňünde tutýar. Bu barada Diario Sport habar berýär diýip, RIA Nowosti ýazýar...

düýn 17:39
4189

“Barselona” şowsuz möwsümden 40 mln ýewro töweregi pul tygşytlady

Häzirki möwsümde Kataloniýanyň “Barselonasynyň” şowsuz çykyşy kluba ep-esli serişde tygşytlamaga mümkinçilik berdi diýip, AS neşiri habar berýär. Maglumatlara görä, klub Ispaniýanyň çempionatyndaky, Ispaniýanyň...

düýn 14:09
5168

La Liga möwsümiň iň gowy tälimçisi üçin baýraga dalaşgärleri saýlady

La Liga 2023/24-möwsüminiň jemi boýunça iň gowusy adyna dalaş edýän tälimçileriň atlaryny yglan etdi. Sanawa Karlo Ançelotti (“Real”), Miçel Sançes (“Žirona”), Ernesto Walwerde (“Atletik”), Diego Simeone (“Atletiko”)...

düýn 13:30
4533

2024-nji ýylyň Olimpiadasy Pariže näçe milliard girdeji getirer

Pariž 2024-nji ýylyň Olimpiýa oýunlaryndan 6,7 – 11,1 mlrd ýewro möçberde arassa ykdysady peýda gazanmagy göz öňünde tutýar. Bu barada Halkara Olimpiýa Komitetiniň (HOK) resmi saýtyna salgylanyp, RIA Nowosti habar...