Hytaýda iPhone 15 çykandan bäri ýedi aýyň içinde onuň ýurtdaky bahasy 25% arzanlady. Häzir onuň 128 Gb ýady bolan esasy modeliniň bahasy 620 dollar, başlangyç bahasy 830 dollardy diýip, ITHome-e salgylanýan IXBT ýazýar.
Bahalaryň arzanlamagy Hytaýda iPhone-a bolan islegiň peselmeginiň netijesidir. Iň soňky maglumatlara görä, Apple-iň sebitdäki satuwy 19 göterim pese gaçdy, bu 2020-nji ýylda COVID-19 pandemiýasyndan bäri iň erbet görkeziji hasaplanýar.
Şol bir wagtyň özünde, Huawei geçen ýyl bilen deňeşdirilende, 69,7 göterim ösüş gazanyp, bazardaky paýyny 15,5 göterime çenli ýokarlandyrdy, Apple-iň paýy bolsa 15,7 göterime çenli azaldy.
iPhone 15-i ilki satylyp başlanan mahaly alan alyjylaryň aglabasy ony howlugyp satyn almak bilen, 200 dollar tygşytlap bilmändiklerine gynanýarlar.
