Apple kompaniýasynyň ilkinji iPad-y 2010-njy ýylda çykmak bilen, täze bazaryň kemala gelmegine we beýleki öndürijilerden hem köp sanly şuňa meňzeş önümleriň peýda bolmagyna itergi berdi. Şeýle-de bolsa, häzire çenli Apple iPad üçin "Kalkulýator" programmasyny näbelli sebäplere görä çykaryp bilmedi. Indi kompaniýanyň ahyrsoňy ýakyn wagtda bu programmany hödürlejekdigi barada maglumatlar bar. Bu barada ixbt.com portaly habar berýär.
Şeýlelikde, "Kalkulýator" programmasy şu ýyl gijräk iPadOS 18-de peýda bolar, anonsyň bolsa WWDC-de bolmagyna garaşylýar. Ýeri gelende häzirki wagtda iPadOS üçin köp sanly kalkulýatorlaryň bardygyny bellemek gerek, ýöne olaryň ählisi App Store-da ýüklenip alynýan üçünji tarap programmalardyr. Indi bolsa Apple 14 ýyldan soň iPadOS-da ilkibaşdan boljak "Kalkulýatory" hödürlär.
Apple-iň häzire çenli "Kalkulýatory" näme üçin çykarmandygy belli däl. Ýöne kompaniýanyň programma üpjünçiligini işläp taýýarlamak boýunça uly wise-prezidenti Kreýg Federigi birnäçe ýyl mundan öň kompaniýanyň ýeterlik derejede gowy programma taýýarlap bilmändigini aýdypdy. Indi bu oňa başardan bolsa gerek.
