TmCars-da öň habar berşimiz ýaly, 25-nji aprelde Ýere magnit hadysasy aralaşdy. Meteoagent portalynyň hünärmenleriniň bellemegine görä, magnit hadysasy dynç günleri - 27-28-nji aprelde hem dowam eder. Ýeriň magnit meýdanynyň üýtgemegi bu hadysa garaşly adamlara täsir eder. Hünärmenler magnit hadysasynyň täsirlilik derejesine "orta" diýip baha berdiler.
Bu günlerde Günüň işjeňlik derejesiniň K-indeks 4-e (sary dereje) ýetmegine garaşylýar, bu bolsa orta dereje magnit hadysasyny aňladýar.
Magnit hadysasynyň täsirine, ilkinji nobatda, meteoduýgur we meteogaraşly adamlar, şeýle hem garrylar, göwreli zenanlar we hroniki keseli bolanlar düşer.
Magnit hadysasynyň täsir alamatlarynyň hataryna - kellagyry, basyşyň ýokarlanmagy, işjeňligiň peselmegi, hroniki keselleriň güýçlenmegi, şeýle hem fiziki we emosional ýadawlyk girýär.
Magnit täsirlerini ýeňil geçirmek üçin lukmanlar bu günlerde oňat ukynyň alynmagyny we iýmite aýratyn üns bermegi maslahat berýärler: ýagly hem ajy tagamlardan, alkogoldan we kofeden el çekmeli. Otlardan edilen çaý we köpräk suw içmek maslahat berilýär. Agyr fiziki işlerden saklanmak hem-de arassa howada gezelenç etmek gerek.
Ýokary geomagnit işjeňlik günlerinde emosional sarsgynlardan we stres ýagdaýlaryndan gaça duruň.
