ABŞ-nyň Prezidenti Jo Baýden Hytaýyň ByteDance kompaniýasyndan dokuz aýyň içinde TikTok ykjam goşundysyny satmagyny talap edýän kanuna gol çekdi, ýogsam ol ABŞ-nyň çäklerinde gadagan ediler diýip, Wedomosti Reuters agentligine salgylanyp habar berýär.
Düzgünleşdirijiler ByteDance-yň satuwy amala aşyrmak üçin ýeterlik tagalla edýändigini hasaplasa, bu döwri üç aý uzaltmak mümkinçiligi bar.
Bu kanunyň taslamasy öň ABŞ-nyň Senatynda we Wekiller palatasynda tassyklandy.
TikTok-yň wekili Aleks Haurek kompaniýanyň kazyýetde bu kanuna garşy çykmak isleýändigini, bu bolsa onuň kabul edilmeginiň hasam yza çekilmegine sebäp bolup biljekdigini aýtdy.
Hytaýyň ByteDance kompaniýasyna TikTok-y satmaga rugsat berip-bermejegi heniz mälim däl, munuň özi ykjam goşundyny şeýle meşhur edýän we ulanyjylary saklaýan çylşyrymly algoritmleri tabşyrmagy aňladýar.
