Tesla elýeterli elektrik ulaglarynyň önümçiliginiň tizlenýändigini mälim etdi. Täze modeller 2025-nji ýyldan başlap bar bolan önümçilik liniýalarynda ýygnalar.
Kompaniýa çykdajylary optimizirlemek we önümçiligiň göwrümini tiz wagtda ýokarlandyrmak üçin meýilnamalaryna üýtgeşmeler girizdi. Täze awtoulaglarda indiki nesil platformasynyň käbir elementleri ulanylar, ýöne umumy möçberde alanyňda, önümçilik has tygşytly bolar.
Awtoulag öndürijisi platformada geljekki iki awtoulagy barada: 25 000 dollarlyk Model 2 we sürüjisiz sürüş ulgamy bolan täzeden döredilýän täze Tesla Robotaxi awtoulagy barada belledi.
Ýakynda Reuters agentligi Tesla-nyň wada berlen arzan bahaly awtoulagynyň önümçiligini ýatyrandygyny habar beripdi. Indi bolsa kompaniýanyň baş direktory Ilon Mask munuň ýalandygyny aýtdy.
Mask Tesla-nyň täze zawodlar gurmaga maýa goýmazdan ozal, önümçilik kuwwatyny doly ulanyp, ýylda 3 million awtoulag öndürip biljekdigine ynanýar.
Şeýle hem Mask Tesla-nyň 8-nji awgustda täze robotaksisini tanyşdyrmagy meýilleşdirýändigini yglan etdi.
Ondan öň kompaniýa 2024-nji ýylyň birinji çärýeginde maýa goýujylaryň garaşyşlaryna laýyk gelmeýän maliýe hasabatlaryny görkezdi.
