Nigeriýanyň küşt çempiony Tunde Onakoýa hem-de tanymal amerikan oýunçysy we tälimçisi Şon Martines yzygider 60 sagat küşt oýnap, iň dowamly küşt tapgyry boýunça täze dünýä rekordyny goýdy. Küşt tapgyry Nýu-Ýorkuň Taýms meýdançasynda geçirildi diýip, CNN habar berýär.
29 ýaşly Onakoýa oýny öz esaslandyran Chess in Slums Africa atly haýyr-sahawat guramasyna serişde toplamak üçin gurady. Türgen bu gaznany Afrikanyň garyp sebitlerinden gelen çagalara bilim almaga kömek etmek maksady bilen gurady. Marafon Nigeriýada ýaýlyma berildi.
Oýun ilkibaşda 58 sagat dowam etmelidi, ýöne Onakoýa we Martines 60 sagatlyk çäkden geçmegi başardylar. Olar 2018-nji ýylda norwegiýaly Hallward Flatebýo we Sýur Ferkigstad (56 sagat 9 minut 37 sekunt) tarapyndan goýlan öňki rekorddan ozdurdylar.
Nigeriýanyň prezidenti Bola Tinubu Onakoýany gazanan üstünligi bilen gutlady.
Küştçiniň wekili oýnuň ilkinji 20 sagadynda, takmynan, 22 müň dollar ýygnalandygyny, ýöne Onakoýanyň jemi 1 million dollar ýygnamaga umyt baglandygyny aýtdy.
Ginnesiň rekordlar kitaby täze rekord barada entek teswir bermedi.
