Nowak Jokowiç Laureus-dan “Ýylyň türgeni” baýragynyň eýesi boldy

  • 23.04.2024 20:10
  • 5.5k+

Serbiýaly tennisçi, dünýäniň birinji raketkasy Nowak Jokowiç “Ýylyň türgeni” nominasiýasynda sport “Oskary” hökmünde belli bolan abraýly Laureus baýragyny aldy. Baýragyň gowşurylyş dabarasy duşenbe güni Madridde geçirildi diýip, RBK habar berýär.

Ýylyň türgeni baýragyna futbolçylar Lionel Messi (2023-nji ýylda laureat boldy) we Erling Holand, “Formula-1-iň” sürüjisi Maks Werstappen, şestli böküji Arman Dýuplantis we ylgawçy Noa Laýls hem dalaş edipdi.
Jokowiç bu baýragy eýýäm bäşinji gezek alýar, öň 2012, 2015, 2016 we 2019-njy ýyllarda aldy. Bu hasap boýunça sport karýerasyny tamamlan şweýsariýaly tennisçi Rojer Federer bilen deňleşdi.
Ýylyň zenan türgeni baýragyna dünýä çempionatynda ýeňiji bolan ispaniýaly futbolçy Aýtana Bonmati mynasyp boldy.
Beýleki nominasiýalaryň ýeňijileri şulardan ybarat:

  • - “Ýylyň topary” – Ispaniýanyň futbol boýunça milli zenanlar ýygyndysy;
  • - “Ýylyň öňegidişligi” – “Realyň” we Angliýanyň milli ýygyndysynyň ýarym goragçysy Jud Bellingem;
  • - “Ýylyň gaýdyp gelmesi” – dört gezek Olimpiýa çempiony amerikaly Simona Baýlz;
  • - “Ýylyň mümkinçiligi çäkli türgeni” – gollandiýaly tennisçi Dide de Groot;
  • - “Sport ýagşylyk üçin” – Rafael Nadal gaznasy;
  • - “Ýylyň ekstremal görnüşlerde türgeni” – 14 ýaşly awstraliýaly skeýtbordçy Arisa Trýu.

Laureus baýragy 2000-nji ýyldan bäri gowşurylýar. Laureatlar Cartier-den 30 sm altyndan we kümüşden heýkel alýarlar.


25.11.2025 17:28
4.4k+

Türkmen tennisçileri Dewisiň Kubogy ugrundaky zolaklaýyn ýaryşyň ähli duşuşyklarynda ýeňiş gazandylar

Türkmen tennisçileri Dewisiň Kubogy ugrundaky zolaklaýyn ýaryşynda aýdyň üstünlik gazanyp, 2026-njy ýylda Aziýa we Okeaniýa zolaklarynyň IV toparynda çykyş etmäge hukuk gazandylar. Bu ajaýyp waka Isa-Taun şäherindäki...

21.11.2025 12:38
2k+

Tanymal tennisçi Rojer Federer Halkara tennis şöhrat zalyna giriziler

Şweýsariýaly Rojer Federer 2026-njy ýylda Halkara tennis şöhrat zalyna giriziler. Dabara 27-29-njy awgustda Nýuport amerikan şäherinde geçiriler diýip, guramanyň metbugat gullugy habar berdi. “Meniň üçin Halkara tennis şöhrat zalyna girmek we sportuň bu görnüşiniň köp sanly beýik çempionlarynyň ýanynda durmak uly hormat...

16.11.2025 23:06
3.7k+

Arina Sobolenko bir möwsüm zenan tennis ýaryşy üçin rekord 15 million dollar gazandy

Dünýäniň birinji raketkasy Arina Sobolenko Zenanlaryň tennis birleşiginiň (WTA) bir möwsümde gazanan baýrak pullary boýunça rekordyny goýdy. 2025-nji ýylda belarusly tennisçi kortda 15 million dollardan gowrak girdeji gazandy diýip, Tennis...

11.11.2025 10:18
3k+

Karlos Alkaras ýene-de dünýäniň birinji raketkasy boldy

Ispaniýaly tennisçi Karlos Alkaras Professional tennisçileriň assosiasiýasynyň reýtinginde ýene birinji orny eýeledi. Reýtingiň täzelenen görnüşi guramanyň saýtynda ýerleşdirildi. Turinde ATP ýaryşy başlamazdan öň oýunçylardan geçen ýylky çykyşlary üçin utuklar aýryldy...