Germaniýanyň «Bawariýa» futbol klubunyň derwezebany Manuel Noýer gol geçirtmedik oýunlarynyň sany boýunça Çempionlar ligasynyň rekordynyň eýesi boldy.
Çarşenbe güni Çempionlar ligasynyň çärýek finalynyň jogap duşuşygynda Mýunheniň «Bawariýa» kluby öz meýdançasynda Londonyň «Arsenalyny» 1:0 hasabynda ýeňdi. Meýdançanyň eýeleriniň kapitany Noýer üçin bu oýun ýaryşdaky 58-nji gol geçirdilmedik oýun boldy. Şeýlelikde, ol Çempionlar ligasynda 57 oýunda asla gol geçirtmedik Ispaniýanyň «Realynyň» we Portugaliýanyň «Portu» toparynyň öňki derwezebany Iker Kasilýasdan öňe geçdi. Şol bir wagtyň özünde, Noýer Çempionlar ligasynda 136, ispaniýaly derwezeban bolsa 177 oýun oýnady.
Noýer 38 ýaşynda. Ol 2011-nji ýylda «Şalkeden» «Bawariýa» geçdi. Mýunheniň klubunyň düzüminde derwezeban 11 gezek Germaniýanyň çempiony boldy, bäş gezek ýurduň Kubogyna eýe boldy we iki gezek Çempionlar ligasynda ýeňiş gazandy. Ol Germaniýanyň milli ýygyndysynda 117 oýun oýnap, dünýä çempiony boldy (2014).
