Italiýanyň «Milan» futbol kluby portugaliýaly hünärmen Ruben Amorimi toparyň baş tälimçisi wezipesine belländigini resmi taýdan yglan etdi. Şertnamanyň möhleti barada klub takyk maglumat bermedi.
Italiýanyň köpçülikleýin habar beriş serişdeleriniň ýazmagyna görä, taraplaryň arasyndaky ylalaşyk iki möwsüm üçin niýetlenendir. Tälimçi ýylda 3,5 million ýewro alar.
Amorim bu wezipede möwsüm tamamlanandan soň işinden giden Massimiliano Allegriniň ornuny çalyşdy. «Milan» Italiýanyň çempionatynda bäşinji orny eýeledi we iň soňky tapgyrda «Kalýari» toparyndan 1:2 hasabynda utulyp, Çempionlar ligasyna saýlanyp bilmedi.
41 ýaşly Amorimiň soňky işlän ýeri Angliýanyň «Mançester Ýunaýted» kluby bolup, ol bu topardan 2026-njy ýylyň ýanwar aýynda gitdi. Mundan ozal ol Portugaliýanyň «Kaza Piýa», «Braga» we «Sporting» klublaryna tälim beripdi. Ol «Sporting» bilen iki gezek Portugaliýanyň çempiony bolmagy başardy.
