49 ýaşly nýu-ýorkly Erik Zollinger Apple Watch öz janyny halas etdi diýip hasaplaýar. Bu barada ol New-York Post neşirine gürrüň beripdir diýip, gazeta.ru ýazýar.
Şu ýylyň mart aýynda gozgalmaýan emläk dellaly bolup işleýän bir adam welosipedli ofisden öýüne dolanyp gelýärkä suwly çukura gaçyp, şikes alýar.
“Men gapdala ýykylyp, betona uruldum. Ýerimden turup, ilki bilen dişlerimi barladym, sebäbi birnäçe ýyl ozal dişlerime winir goýdurypdym. Bagtyma olara hiç zat bolmandyr. Sag dyzym, ýüzümde gözüm bilen burnumyň arasy hem ýere degdi, dişlerim dodaklarymy çapdy, ýöne beýlebir kän gan akmady"- diýip, ejir çeken gürrüň berdi.
Ol öýüne baryp, hammama girýär, ýöne ýene ýykylyp, huşuny ýitirýär.
Apple Watch-iň ýykylmany kesgitlemek aýratynlygy işläp başlaýar: sagat awtomatiki usulda halas ediş gullugyny çagyrýar we gyssagly jaň edilmeli adamlara habar berýär.
Zollinger: "Duşda ýykylypdyryn, Apple Watch wannanyň gyrasyna degmegiň täsirinden 911-e jaň edipdir we kartada takyk ýerleşýän ýerimi görkezip, dostlaryma habar beripdir" – diýip belleýär.
Ol adam özüne gelende 911-iň operatorynyň özi bilen gepleşýändigini bilýär we çagyryşy ýatyrýar. Ýöne şondada ätiýaçdan saglyk barlaglaryndan geçmek üçin hassahana barypdyr.
Zollinger Apple Watch-iň janyny halas edendigine ynanýar.
