Mersedes-AMG BMW XM-ä bäsdeş boljak kuwwaty 1000 at güýçli elektrik krossowerini işläp taýýarlaýar. Täze önümiň 2026-njy ýylda çykmagyna garaşylýar diýip, Carscoops ýazýar.
Geljekki wsedorožnik Mersedes-AMG-niň ilkinji doly garaşsyz awtoulagy bolar. Studiýanyň bar bolan ähli awtoulaglaryndan tapawutlylykda, ol kompaniýanyň “köpçülik üçin çykarylan” haýsydyr bir modeline esaslanmaz. Modeliň ady häzirlikçe näbelli bolup galýar.
Modeliň uzynlygynyň 3000 mm-den gowrak teker bazaly Vision AMG konseptine (takmynan 5100 mm) meňzeýändigi habar berildi. Krossower 800 woltlyk arhitekturany, oky magnit akymly elektrik hereketlendirijileri we täze MB.OS operasiýa ulgamyny alar.
Modeliň çak edilýän güýji iki, üç ýa-da dört elektrik hereketlendirijini gurmak mümkinçiligi bolany üçin, 1000 at güýjünden ýokary bolup biler. Salonynda “özboluşly gural panelli ekranly” täze interýer hödürlemegi wada berýär.
Bäsdeşleriniň arasynda, BMW XM-den başga-da, Aston Martin DBX-iň we Lamborghini Urus-yň hem ady agzalýar.
