“Joker: iki adamlyk telbelik” filminiň treýleri çykandan soň 24 sagadyň dowamynda 167 milliondan gowrak gezek tomaşa edildi. Bu “Warner Bros” film kompaniýasy üçin soňky ýyllarda internetdäki tomaşa etmeleriň we pikir paýlaşmalaryň sany boýunça iň gowy netije boldy diýip, Variety neşiri habar berýär.
Treýler hatda 2023-nji ýylyň gyşynda köpçüligi tolgundyran ilkinji “Barbi” tizerinden hem ozdurdy.
Wideonyň üstünlik gazanmagynda ony Ledi Gaganyň öz sosial ulgamlarynda millionlarça tomaşaçylara ýetirmeginiň täsiri bar.
“Joker: iki adamlyk telbelik” filminiň ilkinji görkezilişi 2024-nji ýylyň 4-nji oktýabrynda bolar. Ilkinji görkezijilerden çen tutsaň, filmde 1 milliard dollardan gowrak girdeji gazanan asyl filmiň üstünligini gaýtalamak üçin ähli mümkinçilikler bar.
